最掂燒味 (已結業)

下午茶想醫醫肚, 就想起附近的燒味店, 好耐無食燒味啦, 由於下午茶唔想食得太飽, 咁我就唔叫飯啦, 選擇左叫义燒切雞瀨粉.义燒我最欣賞係唔會燒到燶, 因為我最唔鍾意食到有幾忽係有燶味. 加上佢义燒外層係塗滿左蜜糖, 係正宗既蜜汁义燒, 加上少許半肥瘦, 實屬高質素. 切雞由於係脾位, 所以都幾滑, 加上雞皮脂肪分佈均衝, 質素中上. 另外瀨粉就有點普通, 湯底略淡但有蔥花香.至於蠔油菜心就係健康之選, 份量夠多之餘, 仲係少油, 如此細心的平民餐廳實在少見.