16 Shell (已結業)

一直聽聞天后既蜆殼街有間唔錯嘅西餐，有幾次經過都爆場

今次同朋友一早book定位先,終於可以黎食餐飯了

先嚟食個前菜先─黑松露意大利雲吞，忌朮汁好Creamy，配埋黑松露真係好香呀

沙樂美腸竹炭薄餅,,黑色薄餅睇落已經夠特別,雖然食落冇乜特別
不過真係好特色

羊架，平時唔係太鍾意食羊架，不過朋友想就食捨命陪君子啦
但係食落都幾驚喜,口感幼嫩,肉味濃厚香甜又唔會太羶

無骨雞胸肉風乾火腿意粉，雞胸肉配埋風乾火腿食落又幾得意
味道都幾濃,配返個清清地既意粉感覺不俗

環境細細又有情調價錢又合理,得閒都可以再同朋友黎食下飯啦