康樂茶餐廳 (已搬遷) 新店位置

平日經過眼見這間茶餐廳周不時都幾多客人幫襯，心想佢應該唔會太難食，今日下午茶時份見有D肚餓，就黎呢度醫下肚。下午茶時間非常多人，由其是餐廳外既位置，個個揸住枝煙坐滿哂。佢下午茶都有好多野食，炒粉麵，普通茶餐三文治等等，見好耐無食過西多士，就叫左西多士餐，加埋野飲索價$22。等左大概 5 分鐘多D就有得食啦，開頭眼見西多士表面有D怪怪既顏色仲有D驚，再望真D發現原來係蛋黎既，西多士既表面同底部都有雞蛋，變左食落去好有蛋香，幾好食呀。不過出到黎都係凍左D，變左個多士側邊無咁脆淋左少少。入面依然有好香既花生醬香，加埋牛油同糖漿，絕對唔會難食得去邊。眼見佢D小菜都好似好多選擇幾抵食咁，反正係屋企樓下，下次又可試下。