老厝邊 (已結業)

今晚去咗大角咀嗰頭食台灣嘢，呢一間出名平靚正，所以我哋都好期待，首先要推介嘅就係佢嘅蛋餅，芝士肉鬆蛋餅真係超級好食，芝士軟綿綿，配上肉鬆好酥脆，真係超好食超好食！跟住鹽酥雞我哋都有嗌，一樣好酥脆入味，可以做餐前小食～麻辣牛肚同埋紅油抄手都唔錯，大家都可以試吓。另外主食我哋就叫咗滷肉飯小碗，嘩原來佢個小碗都已經幾大碗，夠晒女仔一個人食！味道都唔錯，滷肉嘅份量都非常之多，舊撈曬成個飯，抵食抵食！最後仲叫咗個鐵觀音珍珠奶茶，不過不失～ overall我覺得呢間餐廳嘅性價比好高，如果有機會都可以去試吓！