源祖之味古早味蛋糕店 (已結業)

今日去旺角行街，約朋友係MOKO新世紀廣場等，一行入商場就聞到濃郁蛋香，原來係來自源祖之味古早味蛋糕店!已有四間分店既源祖之味，師傅特意飛往台灣拜師學藝，帶來台灣正宗古早味蛋糕!更選用北海道3.6牛乳、歐洲進口雞蛋，堅持人手製作。店舖列明蛋糕新鮮出爐時間，另設可愛打卡位~多款口味供選擇，包括原味、香濃拉絲芝士、海苔肉鬆、雲石紋朱古力、另設期間限定口味，如皇室伯爵、清新檸香、芝士肉鬆，玫瑰、流沙鹹蛋黃、香滑奶黃等，口味創新獨特，好多款都想試!最後買左芝士肉鬆同雲石紋朱古力。芝士肉鬆蛋糕面鋪滿咸香肉鬆，拎到返屋企再烘焗會更為香脆!蛋糕鬆軟綿密，夾雜濃郁拉絲芝士，食落感覺濕潤豐盈，夠哂足料!雲石紋朱古力面層有唔少比利時黑朱古力粒，朱古力味道香濃純厚，入口軟綿順滑，甜而不膩，充滿蛋香，而且蛋糕上既雲石紋好靚，打卡一流!旺角店特別推出限定源祖之茶，有兩款冷泡茶可以加購價換購，包括炭燒烏龍同白桃烏龍。白桃烏龍清爽解渴夾雜淡淡白桃香，食完古早味蛋糕再飲返啖，清新舒爽!