岡田珈琲 (已結業)

之前每次經過都見好多人排隊，都想去試一試。但近期見好多人話唔值，D蛋糕無預期好食，結果無去試。剛巧出開尖沙咀，又想食下蛋糕，就想起佢。未過去睇下多唔多人排隊，點知不用等,,蛋糕款式唔算好多，賣相都幾吸引，味道都幾好。最好食有 : 日式蕃薯栗子蛋糕 ~ 我最愛的栗子, 栗子迷必試咖啡慕絲蛋糕 ~ 好香咖啡味, 同埋好滑，我都忍唔住口食左4件。士多啤梨慕絲蛋糕 ~ 幾香唔係太甜，士多啤梨都幾新鮮紐約芝士 ~ 比較一般左飲品選擇都幾多，但我只係選擇左咖啡。環境OK，都可以係一個下午茶好地方。