諾亞半熟蛋糕專門店 (已結業)

食完午餐無咩做，係附近行下，兜下兜下見到諾亞，咦，買返個蛋糕食下都好喎。入到黎，除左蛋糕外，仲多左飲品賣，自家制紅豆水同薏仁水。最近大熱話去水腫，減肥，美白咩都好，等我又買返支飲下先，揀左蜜糖薏仁水。飲落淡淡蜂蜜味，少少甜而已，雖然飲一支唔會身體即刻變好，但長期飲應該會，呢支薏仁水飲落好舒服，天然無添加。By the way，個玻璃樽幾靚，飲完拎返屋企先。另要了一個香蕉芝士蛋糕，本來諗住拎返屋企食，但見呢間諾亞有堂食，不如食埋廢事拎啦。切開，無蜂蜜蛋糕咁流心，但一樣咁正，軟綿綿嘅芝心。香蕉味不算濃，反而多左份真實感，不會有過份嘅香精味。軟滑香甜，唔錯唔錯。