Cocolo Tokyo Cake Factory (朗豪坊) (已結業)

喺旺角行街行到好攰 本身諗住落去搭地鐵返屋企🚇 點知就喺朗豪坊地庫通去地鐵站嗰一層 俾呢間甜品店吸引咗 佢個餐紙design好可愛 於是入咗嚟食件cake🥰門口有宣傳佢地人氣no.1嘅青森蘋果批 本身都想試架喇 不過最後我揀咗佢地新登場嘅栗蓉批🌰 栗蓉批外層好酥脆 栗蓉餡就啱啱好 唔會太甜 如果唔係太甜加上酥皮一定好heavy😻 而家就恰到好處另外再叫多咗件香橙鮮芝士蛋糕 店員同我地講蛋糕係日本直送㗎😗 呢件芝士蛋糕保留返一般芝士蛋糕嘅味道 而上面酸酸甜甜嘅香橙片就為個蛋糕加上一啲點綴 不過可能係我地影得太耐相 但蛋糕底嗰度有少少出水🍰😅 值得一提佢嘅座位有提供手機差電線 入嚟嘆件cake可以為自己差差電 又可以差埋電話嘅電 食完個人同電話都充滿energy啦⚡️