奇華餅家 (已結業)

上星期奇華既蛋白蛋糕同小麥蛋白蛋糕做特價,$8兩個。買左每款一個試下…先試蛋白蛋糕,味道唔甜,雖然淡淡的,但感覺幾清新,不過完全唔覺有牛油味,食慣一般牛油蛋糕的人可能會唔慣。對於我黎講,反而幾喜歡,因為不油不膩,而且食完一點都唔覺飽滯,唔heavy,質感輕輕的,比一般蛋糕健康!食完蛋白蛋糕,仲有空間食小麥蛋白蛋糕,估唔到比蛋白蛋糕更好味,最唔同其實係個口感,好似食麥方包果種感覺,咬口多左,麥味唔算太重,而且唔甜,真係唔錯!試完呢次之後,我會再試!不過,食用日期方面,好似頗短,只可放一日,要留意!