Omotesando Koffee (已結業)

今日出港島睇戲，睇戲之前肚餓想搵Ｄ野食，聽講呢間CAFE有好野食，一於黎試下！係灣仔地鐵站行幾分鐘就到啦，裝潢好靚好有格調，入到去已經好多人，好彩都搵到位！然後就出counter叫左個egg sandwich，呢個真係必食推介！麵包軟熟，塊蛋半吋厚，又新鮮又惹味，仲有Ｄ　wasabi味，食完忍唔住叫多份外賣！然後再叫杯Omotesando koffee hot，梗係啦，一入到黎成間鋪頭都係咖啡香，唔試下點得？呢杯咖啡好純，先試兩啖原味就知真材實料！再加少少糖同奶，味道剛剛好又易入口，真係人生享受！之後再叫多個Egg benedict，係兩塊多士加上流心蛋同火腿，個賣相一流，切落去食蛋度睇住Ｄ黃流出黎好治癒！不過味道就一般，果幾條露筍有渣，有Ｄ失望！