東海堂 (已結業)

前日(24-11-2012 Sat)晏晝落街買o野,男友話佢o係公司冇乜o野做,叫我過去探佢班,佢女同事S話想食蛋撻,咁好啦,橫掂都唔會好阻佢o地.出到o黎尖沙咀都唔知邊o度有蛋撻賣,而o係地鐵站見到東海堂,就上前睇吓有咩o野選擇,最後我買o左$13.00o既焦糖卷,$13.00o既栗子卷畀佢o地,$11.00o既藍莓切餅畀自己.去到,佢o地o岩o岩有客人,咁唯有我一個人坐低食先,我呢件藍莓切餅內裡有藍莓啫喱粒粒,味道淡淡地,啡色又鬆軟o既蛋糕亦都冇乜藍莓味,可能藍莓本身o既味道都係偏淡吧,不過啫喱有啲彈牙感覺,調較得唔錯o既.而焦糖卷同栗子卷呢,S揀前者,男友就唯有食後者,由於我唔太確定邊件係栗子卷,就o係呢件搣少少上面啡色部分o既cream o黎食,嗯,係喇,係呢件,而味道呢,即使我真係只食o個0.5mm,都食到好甜o既栗子味,而且又硬又乾.咁我畀男友食,佢就冇乜comment,不過我諗啡色o個啲撈埋下面白色o既cream同蛋糕一齊食時,中和晒啲甜味,咁就o岩o岩好,冇我所講o既問題出現啦.之後S食焦糖卷,佢食o左一啖就即刻話係咖啡味.我買o野時侯明明只寫住焦糖卷,冇話係咖啡喎.