KIN麵 (已結業)

收工行到嚟中環街市發現新開左間餐廳 🍴係太古坊KIN FOOD HALL同一系列嘅KIN麵，其實就係見麵咁解😂又幾有意思！呢度主打8款Asian style noodle~ 我地就嗌左韓式海鮮湯麵同炒牛河啦！KIN 麵係全港第一間為每份外賣訂單提供100%循環包裝的麵店，食物容器都係農業副產品，以小麥加工而成，100% biodegradable ~ 減少環境污染, 外賣用餐後大家可將食物盒回收，仲有reward!!! 呢個海鮮麵都幾足料！有蝦、蜆肉、青口咁，麵底係幼麵呀，又幾吸湯！湯底好濃厚，實在唔錯❤️另一份炒牛河炒得好干身！有鑊氣的不過味道就比較重，相信男士會幾中意！蛋撻真係要試！用上本地雞蛋加蜜糖，食落好香蜜糖味架，又唔會太甜咁，值得一試！