寶城餅店 (教育路)

营业中

休息中

寶城係元朗䇄立多年，一直都深受街坊支持出爐蛋撻撻底牛油味好濃好香，焗得火喉剛剛好，一咬就係口鬆化開，蛋漿好香蛋味，好滑。整體撻底厚薄同蛋漿比例好好 ，對比中環泰昌既極厚餅底同極厚蛋漿，我會喜歡元朗寶城。元朗寶城同中環泰昌既都屬於牛油味重既類型，但中環泰昌既牛油撻底偏向西式果撻那種牛油味的味道。元朗寶城味道比西環祥香偏甜少少，喜歡比較甜/濃牛油味的應該喜歡元朗寶城，喜歡清少少既會喜歡西環祥香菠蘿包菠蘿皮都鬆脆，但味道比較淡，麵包軟熟，唔係空氣包，食完會飽肚 。整體都還可以，不過同中環Maria's 同西環金記菠蘿包有一段距離寶城既麵包底質其實算是不錯，很有香港傳統麵包店的街坊味道，值得支持！