たまご園 (荷里活廣場) (已結業)

131503092022，一行三人今日下午黎到試一試呢間日式蛋控店，好彩剛剛黎到就有位唔洗等，店內裝修都好貼合蛋既主題。先點左個燴雞肉蛋包飯，上餐都好快，賣相一流，汁既味道香濃唯雞肉太鞋呢點要扣分。TKG生雞蛋拌飯味道特別，加上豉油同味素就好好味。TKG碎金槍魚生雞蛋拌飯，呢個其實有冇金槍魚都分別不大，因為魚真係比較少反而點返生雞蛋拌飯都可以，但都係好食既放心。士多啤梨梳乎厘，呢個製作要成20分鐘，所以要留意時間去叫定，可以用餐還有一半時就叫定差不多，梳乎厘很鬆軟彈彈下，加上士多啤梨醬焦糖醬都不會太甜味道剛剛好。朱古力雪糕特飲，朱古力味很香濃而且不會太甜夾埋雪糕味道一流。對於蛋控來說，呢間店就冇咩好挑剔，唯獨有2個黑衫店長在講粗口就扣少少分。