たまご園 (德福廣場2期) (已結業)

好想試呢間“蛋”好耐,今日終於去試, 入去被安排坐係店舖的旁邊位置, 我同朋友表示呢個位好熱無冷氣, 估唔到店員有留意我哋對話, 主動提出幫我哋轉坐店舖中間位置(冷氣風較大較凉), 店員細心留意客人所需, 服務值得表揚。 自己掃code 落Order, 食物都算好快送到客枱上, Order左以下食物:- 吉列豚滑蛋丼蛋味好香, 加埋飯一齊食好滑, 吉列豚已經唔脆, 但豬扒肉鬆軟。 -鐵板芝士雞漢堡餐有3個汁簡, 我簡香濃燒汁, 將生蛋連燒汁連飯攪拌一齊食, 唔錯; 塊雞漢堡中間流心芝士, 唔怪之得要用鐵板上 , 味道好正。 - 鬼馬爆眼 呢杯係萬聖節期間限定, 係西柚爆炸糖梳打, 仲有兩粒龍眼+黑珍珠, 加個南瓜牙簽做裝飾, 好有萬聖節氣氛。