たまご園 (北角匯) (已結業)

同囡囡到北角做野，都未試過去北角匯，今次咁岩經過就入去留下腳印。入到北角匯搭lift 上2樓，諗住由上邊行落黎，一開lift門就見到一間好得意既舖頭，成間舖頭都係蛋型，有蛋型既裝飾，蛋型既燈，蛋型既鏡等。吸引左我地係門口睇下個餐牌，原來都係食蛋為主喎，囡囡鐘意食蛋，就入去試下。餐廳叫Tamago-EN， 就如所講 Tamago-EN係以雞蛋為主題材料，而所有雞蛋都係由沖繩縣直送，非常新鮮，見佢地太蛋出黎既蛋黃色係偏向橙黃色，比我地平時食既雞蛋顏色偏深。今次我地叫左大板燒風八爪魚卷，半熟蛋沙律三文治，和牛漢堡套餐同埋朱古力香蕉芭菲大板燒風八爪魚卷，有厚厚既雞蛋包住八爪魚同埋紅薑，好有口感，食落去真係好似食緊章魚小丸子。半熟蛋沙律三文治，個蛋沙律真係好滑好香，沖繩雞蛋整既係唔同D。最後就係和牛漢堡套餐，一黎到就同我初初講粒太陽蛋真係同天花既蛋型裝飾好似，而個和牛漢堡鬆軟好味道。最尾仲叫左個芭菲俾囡囡食，又滑又香朱古力味，囡囡仲好驚訝，乜芭菲都係用蛋整架🤣當然唔係喇。不過佢就食得好開心，話下次要帶埋婆婆同妹妹黎食過仲諗埋下次黎食咩添。