たまご園 (朗豪坊) (已結業)

今次同朋友行朗豪坊果邊專登嚟試下呢間以蛋為主題既餐廳。店舖座位唔多有少少逼，但係野食唔錯值得試試。我地叫左親子丼、生蛋伴飯、五式玉子燒同一杯焦糖蛋奶昔。親子丼一般指雞肉雞蛋飯，多數出面鋪整出嚟d蛋都熟曬，冇咩汁。而呢度蛋唔會整熟曬，保留番d半熟蛋汁好啱同飯撈埋一齊食，同埋佢d雞肉算滑，唔鞋口，份量都合理。生蛋拌飯佢係將d蛋白打成泡之後再放蛋黃上去，好似個山仔咁，賣相加分。加入醬油同飯素攪拌撈勻就可食用，泡泡令每淡飯食落口感更滑，每啖飯都重蛋味，好正五式玉子燒分別有番茄、昆布、明太子沙律、蟹肉同三文魚味。玉子燒甜甜地好好味，個人覺得明太子沙律味最夾。呢度既奶昔會加埋生雞蛋入去，焦糖味同蛋奶昔好夾，飲落去個feel係好似飲緊杯布丁咁好搞笑，不過有d甜，唔太啱我口味。