蘭芳園

营业中

休息中

尋日去完蛇竇一號﹝樂香園﹞今日就來蛇竇二號，呢度一樣係坐到滿，可見有幾多人同我一樣喜歡返工蛇一蛇。<br />朋友想叫撈丁但tea食撈丁似乎有點誇張，結果叫左豬扒包同咖央西多，兩杯「鴦走」。豬扒包新鮮熱辣好好食，個人覺得同澳門的有得比。試左一舊友人的咖央多，椰槳好鬼甜，都唔明下晝點可以食咁甜的野，唔漏咩？我就一舊起兩舊止。<br />埋單成五十蚊，算係中上價茶。另呢度已擴充埋去東記隔離個舖位，又一間茶餐廳做到發圍兼起啤。咁蛇王時間都係坐番入去本店穩陣D 啦！