影片
更多
2023-01-11
60 浏览
之前有睇youtube啲訪問見到呢間係蛇王芬嘅副線，本身唔係好好食蛇，不過一於去試吓。開喺沙田新城市廣場，本身競爭已經大，不過喺全新裝修個一邊，感覺幾新淨，睇嚟係主打年輕人路線。見佢menu有少菜有點心，價錢都親民。前菜有子姜糖心皮蛋($49): 一見到已經覺得好’的色’。味道酸甜，balance得好好，皮蛋下面有少少甜醋，一手拎起一個，成啖食夠哂開胃。蛇王芬生炒糯米飯($49) : 上菜熱辣辣，一開就見到好多花生，以為全部都係放上面，點解差唔多每一啖都有，仲有臘腸潤腸片。整體炒得唔錯，keep到糯米少少濕潤，唔會過乾到煲仔飯咁。香酥豬扒膽膽麵($79): 碗大之餘，份量亦大碗。唔算辣，食落無太大花生醬味，如果湯底再濃少少會更好。但豬扒炸得鬆脆，本身亦都調足味，同麵一啖一齊食就剛好。記得趁熱食！啫啫雙腸芥蘭煲($89):寫住係招牌菜。上枱都聞到好大臘腸味，入面都有每樣4-5塊。雙腸較肥，正好將油份帶到芥蘭上面，就咁食都會細嘗到臘腸嘅味。呢度仲有幾樣點心俾大家選擇，原味小籠包$27 ，一籠兩隻，賣相好靚，醋會裝係試管到，都係熱辣辣嘅，美中不足嘅係我個隻一夾己經穿左😣金香雞油純米叉燒($8
前菜有子姜糖心皮蛋($49): 一見到已經覺得好’的色’。味道酸甜，balance得好好，皮蛋下面有少少甜醋，一手拎起一個，成啖食夠哂開胃。
蛇王芬生炒糯米飯($49) : 上菜熱辣辣，一開就見到好多花生，以為全部都係放上面，點解差唔多每一啖都有，仲有臘腸潤腸片。整體炒得唔錯，keep到糯米少少濕潤，唔會過乾到煲仔飯咁。
香酥豬扒膽膽麵($79): 碗大之餘，份量亦大碗。唔算辣，食落無太大花生醬味，如果湯底再濃少少會更好。但豬扒炸得鬆脆，本身亦都調足味，同麵一啖一齊食就剛好。記得趁熱食！
啫啫雙腸芥蘭煲($89):寫住係招牌菜。上枱都聞到好大臘腸味，入面都有每樣4-5塊。雙腸較肥，正好將油份帶到芥蘭上面，就咁食都會細嘗到臘腸嘅味。
呢度仲有幾樣點心俾大家選擇，原味小籠包$27 ，一籠兩隻，賣相好靚，醋會裝係試管到，都係熱辣辣嘅，美中不足嘅係我個隻一夾己經穿左😣
金香雞油純米叉燒($89) : 脆米炸得香脆，配上半肥瘦叉燒令口感更豐富，extra嘅汁我撈埋黎食，清哂!叉燒偏橙，不過味道似叉燒醬。
油柑鴨屎香檸檬茶($32): 同岀面d杯裝飲品差唔多價錢所以係到飲埋先走。呢個茶名好似好少地方有，雖然係檸檬茶，但係唔係平時嗰啲黃色檸檬。一上己經係篤左少少，飲落潤喉，甜度都剛好，我平時飲野會叫走糖。茶底有種特別香味，可以一試。
椰絲凍小白兔($39): 全因佢個賣相所以叫，自己唔好椰絲㗎咋。好可愛！本身以為下面嘅黑色碟係souffle 哈哈！食落比一般布甸硬身，用快子夾都夾到，但唔算滑，介乎布甸同啫喱中間嘅質地。
總結：開係商場本身以為定價會進取啲，點知又幾親民，兩個人叫咁多野都係差唔多$500左右連加一，而且味道同賣相都唔馬虎。選擇都大眾化，唔鐘意食蛇嘅都可以一試！
张贴
