Around Wellington (已搬遷) 新店位置

位於威靈頓街、開業不久的中環小店，主打fusion菜式。店內位置不多，可能主攻外賣。買了虎蝦冬蔭功刀削麵，呢個combination幾特別。虎蝦大大隻都幾新鮮，冬蔭功汁好開胃，刀削麵既質感都唔錯，仲有新鮮車厘茄、露筍、粟米芯等配菜 88的午餐連飲品，中環區來說合理。初時見外賣盒細細個梯形覺得可能份量偏少，但打開後食落其實份量唔細，不過冬蔭功汁惹味，都食晒成盒。店員都係年青人，親切有禮，主動問外賣要唔要餐具。睇到餐牌仲有和牛漢堡、醉雞烏冬等等新穎菜式，下次希望試埋其他食物。