老虎堂黑糖專売 (已結業)

早前大熱的波霸厚鮮奶，老虎堂開完銅鑼灣，再開荃灣分店，同遲點開旺角分店，火紅紅熱潮快到冬天都未減退，因為珍奶係可以熱飲，唔知熱潮會去到幾時？！而家先飲下，睇下係咪真係有極吸引之處。主打黑糖波霸配厚鮮奶。價錢$19-30，大多數客人都點波霸厚鮮奶/虎虎生風厚鮮奶（波霸+珍珠）。先排隊落單付款，按收據上號碼，顯示出號碼是就可取飲品，外賣提供膠袋。店員細心講解，飲前搖勻15下就得。【虎虎生風厚鮮奶（波霸+珍珠）】 $30，賣相係好靚的黑糖虎紋，飲前當然影相打卡。其實唔算大杯，加上幾多冰，好快飲完。不過黑糖味係好重，奶味亦濃郁厚滑，但亦都太甜了，而且波霸同珍珠雖QQ口感，但都偏淋，無我想像中咁吸引。