影片
更多
2023-02-04
187 浏览
今日嚟咗蘭桂坊呢間餐廳食地中海菜。疫情以嚟咁耐都冇嚟過食嘢，就同朋友點左啲酒。Happy hour 嚟講，價錢都還好。我哋點咗兩杯Prosecco, happy hour 價$88。帶有少少果香，係非常親民嘅氣泡酒，上邊仲插着左士多啤梨片，好少女😂鑒於同行友人鍾意食鷹嘴豆泥，我哋就點咗一個mediterranean dips platter ($168)，見佢仲有打星話係推介。同埋呢度有樣好嘅係Menu有寫中文，就算唔熟地中海菜名都可以易啲點菜。四款醬包括有中東茄子醬、鷹嘴豆醬、紅椒合桃醬同埋中東芝麻醬。擺盤都幾精美，而且好清楚食得出每隻醬嘅味，例如係合桃醬，食得出好濃郁嘅合桃味。每種醬都好creamy。三式地中海包上嘅時候仲暖暖地，而且好軟熟。如果多啲就好啦，因為個醬太好食唔夠點。另外仲叫咗一個big plates share摩洛哥烤紐西蘭羊假配石榴汁、薯蓉及彩虹甘筍 ($188)食羊架嚟講呢個價錢唔算貴，而且仲有幾多配菜。例如係青椒、西蘭花、椰菜花、甘筍、意大利茄瓜等，墊底嘅薯蓉亦都好軟滑。羊架本身切得有啲薄，所以好似煮得熟啲，但係肉質都唔太硬嘅。最欣賞佢有炸過嘅Rosemary伴
Happy hour 嚟講，價錢都還好。我哋點咗兩杯Prosecco, happy hour 價$88。帶有少少果香，係非常親民嘅氣泡酒，上邊仲插着左士多啤梨片，好少女😂
鑒於同行友人鍾意食鷹嘴豆泥，我哋就點咗一個mediterranean dips platter ($168)，見佢仲有打星話係推介。同埋呢度有樣好嘅係Menu有寫中文，就算唔熟地中海菜名都可以易啲點菜。
四款醬包括有中東茄子醬、鷹嘴豆醬、紅椒合桃醬同埋中東芝麻醬。
擺盤都幾精美，而且好清楚食得出每隻醬嘅味，例如係合桃醬，食得出好濃郁嘅合桃味。每種醬都好creamy。
三式地中海包
上嘅時候仲暖暖地，而且好軟熟。如果多啲就好啦，因為個醬太好食唔夠點。
另外仲叫咗一個big plates share
摩洛哥烤紐西蘭羊假配石榴汁、薯蓉及彩虹甘筍 ($188)
食羊架嚟講呢個價錢唔算貴，而且仲有幾多配菜。例如係青椒、西蘭花、椰菜花、甘筍、意大利茄瓜等，墊底嘅薯蓉亦都好軟滑。羊架本身切得有啲薄，所以好似煮得熟啲，但係肉質都唔太硬嘅。最欣賞佢有炸過嘅Rosemary伴碟，好有油香，配羊肉好襯。
下次可以再試吓食其他未食過嘅嘢。
张贴
