獅城星馬餐廳 (已結業)

趁開返晚市今日終於可以約到朋友食晚飯😊我地都好耐無食馬來西亞菜了🤗餐廳就座落蘭桂坊精品酒店一樓🤗餐廳用上落地玻璃可以望到酒吧街燈光明亮，感覺也幾開揚舒適🙆‍♀️📜 餐牌選擇唔少，有齊哂星馬特色既食物👉喇沙、肉骨茶、芽菜雞🐥椰漿飯、沙爹串燒等等......檳城蝦🍤喇沙湯底嘅材料用左蝦頭蝦殼、咖哩膏、喇沙葉、等等😎上枱時已經嗅到好香🤩飲落去個湯仲好creamy👍🏼👍🏼一碗有幾隻大蝦好鮮甜👍🏼另外豆卜索左好多湯入哂味😋真係食過翻尋味呀😎肉骨茶🦴本身好鍾意飲藥材湯.呢度既肉骨茶味道濃郁😌一大碗入面有幾舊煮到好軟淋既豬肉🥩仲有厚身冬菇啖啖啖肉好正😆熱桔仔水🍊桔仔味好豐富仲有粒話梅係杯中😍飲落酸酸地好開胃又可以解滯👍👍