影片
更多
2022-06-26
37 浏览
時光逆流 中環雲咸街41號文靜大廈地下低層-----週末的中環是一個我很喜歡的地方。褪去了上班日的煩囂，街道變得不再擁擠，餐廳酒吧內三五成群的，處處都是享受假日的歡笑聲。.本身諗住食一間台灣嘢，點知放假冇開，誤打誤撞之下，遇到喺蘭桂坊石牆後方嘅呢一間慢活Cafe。.Cafe樓高兩層，裝修文青舒適，店內座位唔算多唔算少，但每一個位都非常有特色，休閒感滿滿，整個餐廳於紙醉金迷感嘅蘭桂坊之內，顯得格外清新脫俗。🥚玉子燒Tamagoyaki （$78）簡簡單單嘅玉子燒，看似平凡，但要整得好食火候控制亦不簡單。呢度嘅玉子燒加入左少量香蔥，外實內軟，中間保留柔軟口感，但卻不容易夾散，高質。🐟香煎三文魚定食Salmon Steak ($168)大大塊嘅三文魚煎得皮脆肉嫩，配搭麻醬飯素彈牙烏冬及香甜關東煮，豐富飽肚，味道穩陣中上。🥯煙三文魚百吉圈Smoked Salmon Bagel （$68）比起定食，個人就更愛佢哋嘅Bagel，Bagel扎實而不過硬，表面滿滿芝麻香氣，中間嘅內餡有大量生菜、蕃茄及煙三文魚，份量毫不手軟，加上濃厚蛋黃醬，味道令人一試難忘。🍰日本東京第一Mr. Cheese Cake
中環雲咸街41號文靜大廈地下低層
-----
週末的中環是一個我很喜歡的地方。褪去了上班日的煩囂，街道變得不再擁擠，餐廳酒吧內三五成群的，處處都是享受假日的歡笑聲。
.
本身諗住食一間台灣嘢，點知放假冇開，誤打誤撞之下，遇到喺蘭桂坊石牆後方嘅呢一間慢活Cafe。
.
Cafe樓高兩層，裝修文青舒適，店內座位唔算多唔算少，但每一個位都非常有特色，休閒感滿滿，整個餐廳於紙醉金迷感嘅蘭桂坊之內，顯得格外清新脫俗。
🥚玉子燒
Tamagoyaki （$78）
簡簡單單嘅玉子燒，看似平凡，但要整得好食火候控制亦不簡單。呢度嘅玉子燒加入左少量香蔥，外實內軟，中間保留柔軟口感，但卻不容易夾散，高質。
🐟香煎三文魚定食
Salmon Steak ($168)
大大塊嘅三文魚煎得皮脆肉嫩，配搭麻醬飯素彈牙烏冬及香甜關東煮，豐富飽肚，味道穩陣中上。
🥯煙三文魚百吉圈
Smoked Salmon Bagel （$68）
比起定食，個人就更愛佢哋嘅Bagel，Bagel扎實而不過硬，表面滿滿芝麻香氣，中間嘅內餡有大量生菜、蕃茄及煙三文魚，份量毫不手軟，加上濃厚蛋黃醬，味道令人一試難忘。
🍰日本東京第一
Mr. Cheese Cake （$68）
質感綿密富芝士香，但由於有啖啖檸檬香氣嘅關係，食落去唔會過於飽膩，雖然個名叫日本東京第一，但係食落感覺似New York Cheese Cake，不錯。
*餐廳有酒品有咖啡，試咗佢哋嘅RevTime (I Burn with You)自家釀製啤酒🍺覺得很不錯，入口先Fruity，後勁帶麥味香及nutty感，幾特別。
张贴
