蘇記麵食家 (已結業)

聽土瓜灣街坊朋友講,在落山道頭,近樂民新村的蘇記,粥麵水準不俗,見遊蕩到此,不如一試.明珍盅頭飯都係食少一次.粥麵選擇甚多,如果不對胃亦可叫小炒.價錢唔貴,合乎土瓜灣消費指數.一碗雲吞麵,$15起錶.炸醬麵的炸醬幾香,麵條著實麻麻.來一碗湯麵再試一遍吧.魚片麵面頭的魚片,灼得剛好.肉質很嫩亦唔會一夾即散之流.反觀底下的麵條,鹼水味甚重,亦不見爽口彈牙.湯底很咸,味精多於一切.艇仔粥料足,粥底夠綿,比坊間$8碗的還好.算罷,街坊生意,不能苛求太大,話就話街坊生意,不過都已經發到開分店...