八寶清湯腩

营业中

休息中

人氣店，好多時都要大排長龍，今日見到只有三組人等位，當然馬上試吓啦‼️呢間清湯腩店最大特色係湯底用養生藥材熬製，一入門口已經聞到香濃嘅藥材味，相當吸引。每碗麵都用心做，連個Menu都做得好有heart❤️。了解咗各部位牛腩嘅特點，我決定食清湯蘿蔔爽腩河粉$88，再同朋友分享多份炸魚皮$25。碗麵份量都幾大，麵多餸多，爽腩大約有7件，上面嘅牛腩同牛孖根係朋友比我試吓😉。先飲啖藥膳湯，味道鮮甜清香，唔會太濃藥味。👍爽腩牛香味較重，軟腍煙韌又入味。牛腩較結實，牛味亦較淡。牛孖根都做得好腍。炸魚皮脆口到不得了😋，食落口卜卜聲。但食完個餐之後，就不停覺得口渴🥤，可能渴底有味精。