今次睇一睇menu原來除左酸菜魚之外
仲有另外兩個選擇..
就係「泡椒魚」同埋「藤椒魚」
由於同朋友一向都好鍾意藤椒嘅味道..
果種椒麻香真係好正..
今次一於轉下口味
平時睇慣左酸菜魚既擺盤
所以藤椒魚黎到時開頭覺得好似齋齋地
不過食落成件事就唔同喇
藤椒青花椒既味道好出..好麻好香..
辣度岩岩好..
魚塊一如既往都係keep到滑既水準..
同埋唔會一夾就散
湯底就伴有大量芽菜..索哂D湯汁..
味道比酸菜魚更有層次
除左魚之外我地仲叫左兩碟小菜
四川回鍋肉
夠哂香辣
五花腩肉肥瘦適中..
又唔會太乾身..
土豆燒排骨
炆得好入味
排骨同埋薯仔都好淋..
個汁令到我同朋友叫左碗飯share
最後食埋個紅糖冰粉
Q彈爽滑
同埋唔係太甜..
用黎解辣都不錯
同埋之前唔察覺
原來呢度都有好多小菜選擇
