伊太屋 (已結業)

是晚做左大鄉里出城去左銅鑼灣一間好有藝術氣息嘅餐廳食飯，叫左好多新菜式，豐富左眼睛又豐富左肚皮。野食未到，首先有Old time sake 品嘗下先，Whiskey 聞落唔太重酒味，飲落開頭薄荷味重，到喉嚨好香酒味，易入口。香燒原隻北海道帶子配魚子醬 - 上枱有堆番梘泡圍住，帶子燒至微焦，切開呈半生狀態，好滑溜，墊底有薯茸，估唔到成個present 好夾！龍蝦芝士通心粉 - 有半隻龍蝦，微燒表面，啖啖肉，細細隻龍蝦但蝦膏十足；芝士通心粉無得輸，做倒拉絲效果，芝士味濃，雖然細細碟但十分飽肚。澳洲和牛 - 外面煎脆，內里肉質保留嫩紅，雙重口感，唔點醬食保持原汁原味；伴碟炸菇唔會乾，仲好juicy 添。朱古力椰絲mossse 又有特技效果，番梘泡再現，mossse 好creamy 又滑，椰絲味濃，唯一美中不足就係太甜。成間餐廳上至裝修下至餐碟都係藝術品，用上唔同嘅畫作同物料做裝修，餐碟方面好少女心，顏色豐富，影相一流！