Grill n More (已結業)

呢間韓燒店裝飾好特別，一入門就見到好大副嘅壁畫，原來係法國塗鴉藝術大師Ceet Fouad嘅作品。野食方面，除左任食燒肉之外，佢仲有唔同嘅小菜、壽司刺身同埋甜品選擇，再加上韓式前菜，款式豐富，仲要樣樣任食唔嬲，岩哂一班朋友泥聚會，滿足哂唔同人嘅口味。🥗小菜芽菜：好冰凍，唔會有放左係室溫好耐嘅感覺，夠濃味，好有心機調味。雲耳：口感爽脆，微辣。泡菜：大大塊，好開胃。🥦蒜香雜菜蒜味好濃，西蘭花好清甜。🍟炸薯條香脆而且夠粗身，亦冇炸燶邊。🐟三文魚刺身油脂分布均勻。🥓五花腩唔會太肥，好多肉汁。經燒烤後，口感香脆。🍹飲品飲品方面有好多選擇，無論係汽水、果汁定係涼茶都有。夏天飲翻杯冰涼飲品係最爽！🍦雪糕最令女士們同小朋友開心嘅就係，店內嘅雪糕都係任食架！有成十幾款選擇，有韓國雪條同港式雪糕等等，最最最特別係，榴連雪條都有呀！🪑環境坐位闊落，適合1-8人入座。💵收費：平日午市：成人$108加一/位 3小時放題。晚市：$178加一/位 2.5小時放題。假日收費 +$20。 （小童同幼童會更平。）😋 大家環珍惜食物，餐廳如發現有浪費，將收取HK $10 / 100克。