Burgerman (欽州街) (已結業)

我好喜歡食BURGER，去到深水PO都要食BURGER！我地一行3人，3個都係大食人士，叫左好多樣野。青蘋果沙律 - 份量好多，成個青蘋果加埋沙律菜，感覺勁清新，而且好醒胃，酸酸地既青蘋果酸中帶甜，作為頭盤完全做到開胃既效果。黃金芝士條 - 唔知個名係咪由一街之隔既黃金商場拎靈感呢？芝士條好脆，而芝士都夠多，煙煙UNUN咁，點埋茄汁就更加醒胃，芝士味又濃。卡邦尼意粉 - 味道都唔錯，匾意粉好好咬口，煙肉又香又剩，好有衝動一下食晒成碟。鵝肝漢堡 - 招牌菜，一啖咬落去鵝肝油就必晒出黎，味道濃郁，再夾埋下面既漢堡扒，非常滋味，我仲加左炒洋蔥絲，令感覺唔會咁膩，招牌菜果然唔錯。