餐廳裝修好有中式風味，正門古式風車，室內掛上紅紅燈籠，好特別！
一坐低，侍應就送上開胃榨菜，甜辣惹味。開咗一壺菊菜，飲落回味清香。
南翔小籠包(四件)
- 識盪鞦韆嘅小籠包係最正宗嘅小籠包！超多汁但唔多油，食到啖啖肉湯嘅味👍🏻
土匪爆羊肉
- 嚟到呢個環境唔知點解好想食臊味嘅羊肉😆 呢個羊臊得嚟好香，配上京蔥食好夾！
樟茶鴨 (半隻)
- 一嚟到就有好香嘅茶薰味飄埋嚟，好香嘅鴨，食埋皮都唔油膩，配埋伴碟嘅刈包好滿足！
上海佬炒飯
- 一嚟就聞到好惹味嘅鹹蛋黃味，雖然呢個飯望落平平無奇，但炒得好乾身，澱粉的快樂，不知不覺食咗幾碗🥺
豆沙鍋餅
- 餅皮有蛋香，豆沙唔太甜，輕易食晒成碟
桂花酒釀丸子
- 呢度嘅桂花酒釀丸子有落蛋花，比一般出邊食嘅更香更滑👍🏻
