1988 (已結業)

又去工廈搵美食，今次黎到呢間食泰菜嘅餐廳，環境裝修似cafe，比較休閒嘅感覺。老實講，呢個點都幾隱蔽，我同朋友夜晚黎到，搵咗一陣先搵到入口。但神奇嘅係，當我地黎到呢間咁唔多眼嘅餐廳，係全場滿座，我地好好彩坐到最後一張吉枱。食完就明白點解咁多捧場客，呢度嘅泰菜口味好啱香港人，調味唔會太重，但又味道豐富先黎一碗冬蔭公，酸辣度啱啱好，唔會太重口味。一碗有三隻大頭蝦，足料！蝦頭嘅膏好香。再黎一碟鮮蝦炒金邊粉，好好食！帶點甜甜酸酸，加埋蝦同雞蛋，炒得好香，令人一口接一口。泰式炸雞🍗呢個充滿驚喜，係冬蔭公口味嘅雞翼，好有泰國特色嘅感覺炸雞翼好juicy，外脆內嫩，very good