影片
更多
2018-09-10
198 浏览
呢條街有個棚架搭左好耐，喺棚架下原來有間西餐廳，見到店員熱情嘅歡迎，喺門口見到set dinner都幾啱食就入左去。餐廳嘅牆壁用石頭砌成，加上有啲樹葉裝飾，好似入左地底嘅石洞咁。坐底後覺得冷氣好凍，店員主動熄細個冷氣，加分。我地叫左2個set dinner加啲小食。凱撒沙律，唔好以為係用報紙墊底，其實係張印花吸油紙，好特別，加20蚊有埋煙三文魚，作為前菜好清新開胃，有助吸收接下來嘅美食。食完冷盤就食熱野，芝士薯條，加20蚊有黑松露醬，薯條新鮮炸好，面頭焗滿芝士，非常好味，點埋松露醬更是停唔到口。飲品試左double chocolate，好濃嘅朱古力，回味無窮。晚餐嘅前菜之一係忌廉芝士茄子卷，茄子被卷成一舊，茄子控不能錯過。另一前菜係帝王蟹餅，好香蟹肉味！餐湯揀左磨菇湯，香濃幼滑，餐包好香脆，比一般蒜蓉包特別。男友人就加48蚊叫左龍蝦湯，香濃惹味！主菜到啦，就係黑松露牛肝菌意大利飯，面頭嘅係牛肝菌泡沫，中間係有機大啡菇，飯夠熱，味道好，好正！美國頂級肉眼扒，果然係頂級，超級正，睇到嫩紅嘅肉已經知有幾好味，必講嘅係牛味濃肉質嫩！個餐仲有甜品，男友人嘅係布甸，被碟上嘅玫瑰花驚艷到，睇得出廚師
坐底後覺得冷氣好凍，店員主動熄細個冷氣，加分。我地叫左2個set dinner加啲小食。
凱撒沙律，唔好以為係用報紙墊底，其實係張印花吸油紙，好特別，加20蚊有埋煙三文魚，作為前菜好清新開胃，有助吸收接下來嘅美食。
食完冷盤就食熱野，芝士薯條，加20蚊有黑松露醬，薯條新鮮炸好，面頭焗滿芝士，非常好味，點埋松露醬更是停唔到口。
飲品試左double chocolate，好濃嘅朱古力，回味無窮。
晚餐嘅前菜之一係忌廉芝士茄子卷，茄子被卷成一舊，茄子控不能錯過。
另一前菜係帝王蟹餅，好香蟹肉味！
餐湯揀左磨菇湯，香濃幼滑，餐包好香脆，比一般蒜蓉包特別。
男友人就加48蚊叫左龍蝦湯，香濃惹味！
主菜到啦，就係黑松露牛肝菌意大利飯，面頭嘅係牛肝菌泡沫，中間係有機大啡菇，飯夠熱，味道好，好正！
美國頂級肉眼扒，果然係頂級，超級正，睇到嫩紅嘅肉已經知有幾好味，必講嘅係牛味濃肉質嫩！
個餐仲有甜品，男友人嘅係布甸，被碟上嘅玫瑰花驚艷到，睇得出廚師嘅用心。
有人加左錢轉龍蝦湯，我緊係唔執輸加錢轉心太軟，無失望，暖暖朱古力味好濃，每食一啖都好美滿！
夜晚越食越多人，睇黎個棚架都掩蓋不住呢間餐廳嘅實力！
张贴
