富山咖啡麵包 (已結業)

雖然富山以Cafe掛帥，不過，橫睇掂睇都似十足中環區街坊麵包鋪，其實，佢又真喺有自家沖製嘅奶茶、咖啡賣。（註：門面相喺事後路經時補影作記錄。）好友送我一盒兩件嘅藍莓撻，最好就喺作為下午茶啦，滴漏番杯咖啡，喺偷懶嘅何等樂事，更喺發吓白日夢嘅時間。件藍莓撻應該喺凍食嘅，因為，晌鋪面見到時都喺放晌凍櫃內。不過，牛油皮，放蛋漿，加藍莓醬，咁嘅組合做成凍食，效果未有想像中好，因個皮變得無咁香，而中間嘅蛋漿變得挺實唔滑，還好嘅喺藍莓醬唔太甜，蛋漿嘅蛋味亦唔太差。再者，$10有兩大件，頂得飽肚，仲想?凍食嘅感覺一般般，唔知焗番佢嚟熱食效果又如何？