Candy Shake (已結業)

其實我好少去旺角食嘢，不過咁啱要整電話保護貼，所以就去咗。唔知點解，我對嗰啲魚蛋大腸真係零興趣，都搵咗一陣先搵到間特別啲嘅可以食個下午茶。估唔到芝士撻熱潮真係好勁，重要開始進化有唔同口味，今次就俾我見到有藍莓味嘅芝士撻。整個撻都唔錯，芝士心都好gooey，藍莓味都幾出，因為有藍莓果醬，成件事同食藍莓cheesecake 差唔多， 只係呢個係暖嘅，同埋啲芝士係軟嘅。個撻皮都幾好，係我最鐘意既牛油皮，佢地做得好好，香脆得嚟又唔太漏，增加咗成個撻既層次。18蚊，不過不失。