影片
更多
2021-04-03
155 浏览
有一日搭車經過呢度嘅時候見到一道藍色嘅大門再上網再睇吓呢度有啲咩食，發覺呢度嘅甜點都好吸引就決定一定要搵一日過嚟呢一度打卡今日，終於有時間黎到..一入到去已經覺得呢度嘅裝修環境好舒適好鍾意☺️一坐低睇到餐牌時..真係乜都想試但無奈我哋夜晚約咗其他朋友食飯所以只能夠叫少少試下但係呢度啲嘢都比較好賣我哋叫嗰啲好多都冇晒最終我哋就叫咗素肉千層麵同焦糖香蕉牛角包窩夫除咗叫咗主食之外仲叫咗兩杯飲品焙茶Latte 每一啖都有好香濃嘅陪茶味及奶味朋友就叫咗杯玉桂Dirty 玉桂味超級香濃，如果鍾意肉桂嘅朋友一定會好喜歡呢一杯咖啡焦糖香蕉牛角包窩夫初頭一嚟到嘅時候我哋見到個包覺得好唔吸引心諗唔係我哋想像中嘅嘢點知食落口有驚喜包好似食緊千層酥嘅感覺、而喺cream嘅上邊有一Pat黃黃地色嘅醬，原來係冧酒咖喱醬食真啲會有一浸咖喱嘅味道，真係非常特別牛角包上邊有朱古力榛子醬，將所有嘢夾埋一齊食，口感層次好豐富而唔覺得有奇怪嘅感覺推薦嘅！而素肉千層麵呢一個又係我覺得好好食嘅千層麵切開之後你會見到入邊有滿滿嘅芝士非常邪惡食落口除咗有好香濃嘅芝士味之外仲會有新鮮嘅蕃茄醬味道而呢一個千層麵係用新豬肉，所以素食朋友都可
再上網再睇吓呢度有啲咩食，發覺呢度嘅甜點都好吸引
就決定一定要搵一日過嚟呢一度打卡
今日，終於有時間黎到..
一入到去已經覺得呢度嘅裝修環境好舒適
好鍾意☺️
一坐低睇到餐牌時..真係乜都想試
但無奈我哋夜晚約咗其他朋友食飯所以只能夠叫少少試下
但係呢度啲嘢都比較好賣我哋叫嗰啲好多都冇晒
最終我哋就叫咗素肉千層麵同焦糖香蕉牛角包窩夫
除咗叫咗主食之外仲叫咗兩杯飲品
焙茶Latte 每一啖都有好香濃嘅陪茶味及奶味
朋友就叫咗杯玉桂Dirty 玉桂味超級香濃，如果鍾意肉桂嘅朋友一定會好喜歡呢一杯咖啡
焦糖香蕉牛角包窩夫
初頭一嚟到嘅時候我哋見到個包覺得好唔吸引
心諗唔係我哋想像中嘅嘢
點知食落口有驚喜
包好似食緊千層酥嘅感覺、而喺cream嘅上邊有一Pat黃黃地色嘅醬，原來係冧酒咖喱醬
食真啲會有一浸咖喱嘅味道，真係非常特別
牛角包上邊有朱古力榛子醬，將所有嘢夾埋一齊食，口感層次好豐富而唔覺得有奇怪嘅感覺
推薦嘅！
而素肉千層麵呢一個又係我覺得好好食嘅千層麵
切開之後你會見到入邊有滿滿嘅芝士
非常邪惡
食落口除咗有好香濃嘅芝士味之外仲會有新鮮嘅蕃茄醬味道
而呢一個千層麵係用新豬肉，所以素食朋友都可以食
冇諗過用素肉去做嘅千層麵口感味道都唔錯
呢一度環境服務食品質素都係水準之上
我下次會再嚟試埋其他食品
超讚👍🏻
张贴
