PAPI (已結業)

今日姨甥本來約左我Happy Hour, 點知一到銅鑼灣百德新街附近，佢就好似鐵咁俾啲潮店攝住唔願走，可憐我今日踩住高跟鞋拎住部電腦行跑左大半天不特止，下午有個朋友仲拎左支威士忌俾我添，真係甜蜜的負擔😅。行到街尾，見到間裝修好有地中海清新氣息嘅意大利餐廳，我即刻拉住姨甥仔往裡走😝。坐底唔理三七廿一點杯Chardonnay先😁，姨甥就要左杯Sauvignon Blanc。其實我都唔係太肚餓，不過見餐廳幾骨緻，都想點幾樣佐酒小吃。首先點左份意大利鮮蕃茄多士，蕃茄🍅好鮮甜，juicy得嚟又唔會出哂水，冰冰涼涼咁配上多士，好清新好fresh 😋。我就不嬲都唔鐘意食草嘅，但姨甥竟然叫左份鮮紅菜頭、蘋果淡芝士合桃沙律，新鮮紅菜頭我都係第一次食，估唔到咁爽脆喎，食完即刻覺得自己健康左囉😝。唔知做乜呢兩個星期每次問姨甥想食乜佢都隨口嗡話要食黑松露pizza, 每次我地聽到都會扮聽唔到🤭。不過今次輪到我主動話想食囉！點解？事關我見佢嘅黑松露pizza係用意大利gorgonzola藍芝士做嘅。Gorgonzola藍芝士味道比較溫和帶甜，質地柔軟，做pizza應該會好好味😋。果然，pizza皮非常香脆，黑松