影片
更多
2022-08-31
75 浏览
除咗精品咖啡同創意飲品，仲有唔少輕食、主食🫶🏻亦有毛孩精選menu! 啱哂帶寵物嚟打卡食嘢😆🔸 自家製京蔥蒜蓉燒什菜串燒拼盤配白飯 $78呢一款就啱素食人士🫶🏻 什菜串燒有大蔥、茄子同翠玉瓜～飯係珍珠米，口感唔錯幾煙韌至於什菜串燒嘅味道係唔錯嘅，有淡淡嘅京蔥蒜蓉味（冇我想像中咁重味～）不過全部都係同一款調味，食食吓就覺得有少少單調，如果可以加一兩款醬汁放喺隔離，食到覺得單調可以沾醬食就更好🫶🏻🔸 炸魚柳牛油漢堡包 配蕃茄、生菜、車打芝士、芥末蜜糖蛋黃醬 $76 （薯條 & Mocktail +$58)漢堡包嘅包、餡料、醬料都係自己選擇配搭嘅，可以根據自己口味喜好去揀🫶🏻炸魚柳係用龍脷柳去做，食落juicy，咬開好香魚味而且質感爽口，配上芥末蜜糖蛋黃醬令味道再昇華！不過炸漿略嫌有少少厚，但唔油膩嘅～🔸薯條伴咸蛋黃醬 (跟餐)薯條正常～夠熱，入口香脆望落邪惡嘅咸蛋黃醬略嫌唔夠咸蛋香，食落淡口咗啲🔸煎鴨肝白汁意大利飯 $98鴨肝嘅油脂好重，接近入口即溶，油香令到個意大利飯都好惹味～不過味道都係比較單一，食到後期會比較膩🙈意大利飯略為濕咗啲，口感太稔冇乜咬口🙈🔸ʏᴜᴢᴜ ᴡʜᴏ? (跟餐)呢杯
🔸 自家製京蔥蒜蓉燒什菜串燒拼盤配白飯 $78
呢一款就啱素食人士🫶🏻 什菜串燒有大蔥、茄子同翠玉瓜～飯係珍珠米，口感唔錯幾煙韌
至於什菜串燒嘅味道係唔錯嘅，有淡淡嘅京蔥蒜蓉味（冇我想像中咁重味～）不過全部都係同一款調味，食食吓就覺得有少少單調，如果可以加一兩款醬汁放喺隔離，食到覺得單調可以沾醬食就更好🫶🏻
🔸 炸魚柳牛油漢堡包 配蕃茄、生菜、車打芝士、芥末蜜糖蛋黃醬 $76 （薯條 & Mocktail +$58)
漢堡包嘅包、餡料、醬料都係自己選擇配搭嘅，可以根據自己口味喜好去揀🫶🏻
炸魚柳係用龍脷柳去做，食落juicy，咬開好香魚味而且質感爽口，配上芥末蜜糖蛋黃醬令味道再昇華！不過炸漿略嫌有少少厚，但唔油膩嘅～
🔸薯條伴咸蛋黃醬 (跟餐)
薯條正常～夠熱，入口香脆
望落邪惡嘅咸蛋黃醬略嫌唔夠咸蛋香，食落淡口咗啲
🔸煎鴨肝白汁意大利飯 $98
鴨肝嘅油脂好重，接近入口即溶，油香令到個意大利飯都好惹味～不過味道都係比較單一，食到後期會比較膩🙈
意大利飯略為濕咗啲，口感太稔冇乜咬口🙈
🔸ʏᴜᴢᴜ ᴡʜᴏ? (跟餐)
呢杯係一杯柚子加薄荷嘅Mocktail~
柚子毫不吝嗇，一飲落去先係柚子嘅味道，酸酸甜甜，再滲出薄荷既香味，呢個配搭好清新，啱哂咁熱嘅天氣飲
🔸 sᴡᴇᴇᴛ sᴜɴʀɪsᴇ (跟餐)+$30
呢杯係一杯橙、石榴、檸檬Mocktail~
酸酸甜甜都幾開胃幾啱夏天飲～而且賣相都好靚好繽紛好有夏日氣息🫶🏻
🔸 s’ᴍᴏʀᴇs ɢᴀʟᴏʀᴇ (跟餐)+$40
呢杯係棉花糖奶昔～面頭嘅棉花糖輕輕燒過入口即溶😆 奶昔就有好香濃嘅雲呢拿味～比較甜啲，有啲似溶咗嘅雲呢拿雪糕🙊
🔸 燒烤汁豬頸肉 $38
同平時見得多啲豬頸肉唔同，呢個串燒嘅豬頸肉大大舊，但食落一啲都唔韌！食落爽口得嚟仲幾入味！有驚喜！
🔸 燒雞軟骨2串 $24
雞軟骨入口爽脆有咬口，不過略為淡口咗少少～
🔸 燒雞皮2串 $18
呢款雞皮唔係脆嗰種，而有少少煙韌咁🤔 痴住支竹籤痴得好實，食落有少少論盡，但味道唔差～
總括嚟講餐藍白主調嘅裝修真係好靚好啱打卡，加埋室外位可以瘋狂幫寵物影相😆😆 店員都好有禮貌幾親切嘅～食物就不過不失☺️ 下次再有朋友帶狗狗出嚟陪我玩應該都會再嚟嘅🫶🏻
张贴
