木衛二鑄茶所 (怡和街) (已結業)

當日經過銅鑼灣，諗住去試下大名鼎鼎嘅老虎堂，去到見到那條多人到連龍尾都見唔到嘅人龍，令我卻步了。 轉移到旁邊嘅木衛二嘅台式飲品，雖然都有一定嘅人龍，相比起老虎堂的確小巫見大巫，排得過。我叫左藍伯爵奶茶，店員話呢個茶本身沒冰，唔洗走冰。等待期間可以透過玻璃見到整個製作過程，特別可以欣賞到奶蓋如何煉成。各位員工非常快手，整個過程衛生。等左大約十分鐘左右，店員叫號碼攞飲品。飲品非常大杯，奶蓋上面有幾塊玫瑰花瓣，為外觀再加左幾分。而飲品蓋可以轉開，直接品嚐到奶蓋。一口飲落去，奶蓋非常濃郁嘅牛奶味，滑而不膩。 再用飲管試下茶，茶味普通算淡，唔算太突出，不過混合埋奶蓋一齊飲就剛好。