影片
更多
2022-08-06
18 浏览
薰 Kaori 前菜榮螺嘅螺肉已經被細心哋切粒再放入螺殼，螺肉豐腴細膩，肉質清爽鮮甜。加咗醋蜜嘅水雲海發菜，黏滑口感，微微嘅酸味加甜蜜味，十分開胃。北海道白粟米，粒粒粟米多汁。里竽鬆軟香甜，滑順綿密。赤海蝦用麵豉湯醃過，肉質彈牙，在外稍作炙燒，令蝦味更突出。黑豆嘅作用係清一清味蕾，但亦華麗地用金箔點綴。小食有甜柚子皮，微辣嘅薑，酸酸甜甜嘅蘿蔔，淮山積等鱸魚壽司和刺身鱸魚刺身鮮嫩爽彈。鱸魚壽司上面灑上炒香嘅烏魚子。廚師已經為鱸魚壽司調配了醬油嘅醬汁，味道細膩。北海道真蠔 肉質肥美，滑溜卻清甜爽身，口感creamy，海水味重，蠔味更重更濃郁。廚師加入柚子汁，更帶出鮮甜感覺。北海道帆立貝 北海道帆立貝口感紮實，廚師更為我哋用心設計，喺壽司中間加入蒸過嘅紫海膽，令平凡變得不平凡。間八魚間八魚因為捕獲量很少，所以是最高級壽司食材中的前三名之一，魚肉口感煙韌之中卻帶有少許的脆口感覺，非常獨特。脂肪比例較少，因此肥而不膩，鮮美中流露出上品的味道。池魚廚師將池魚切薄片，令食落去感覺非常纖細，肉質鮮嫩，脂厚油香，薄片嘅切法令無花果酸汁更能與魚肉結合，刺身上再灑上芝麻同蔥花增加味道嘅層次。北海道海膽杯北海
前菜
榮螺嘅螺肉已經被細心哋切粒再放入螺殼，螺肉豐腴細膩，肉質清爽鮮甜。
加咗醋蜜嘅水雲海發菜，黏滑口感，微微嘅酸味加甜蜜味，十分開胃。
北海道白粟米，粒粒粟米多汁。里竽鬆軟香甜，滑順綿密。
赤海蝦用麵豉湯醃過，肉質彈牙，在外稍作炙燒，令蝦味更突出。
黑豆嘅作用係清一清味蕾，但亦華麗地用金箔點綴。
小食
有甜柚子皮，微辣嘅薑，酸酸甜甜嘅蘿蔔，淮山積等
鱸魚壽司和刺身
鱸魚刺身鮮嫩爽彈。鱸魚壽司上面灑上炒香嘅烏魚子。廚師已經為鱸魚壽司調配了醬油嘅醬汁，味道細膩。
北海道真蠔
肉質肥美，滑溜卻清甜爽身，口感creamy，海水味重，蠔味更重更濃郁。廚師加入柚子汁，更帶出鮮甜感覺。
北海道帆立貝
北海道帆立貝口感紮實，廚師更為我哋用心設計，喺壽司中間加入蒸過嘅紫海膽，令平凡變得不平凡。
間八魚
間八魚因為捕獲量很少，所以是最高級壽司食材中的前三名之一，魚肉口感煙韌之中卻帶有少許的脆口感覺，非常獨特。脂肪比例較少，因此肥而不膩，鮮美中流露出上品的味道。
池魚
廚師將池魚切薄片，令食落去感覺非常纖細，肉質鮮嫩，脂厚油香，薄片嘅切法令無花果酸汁更能與魚肉結合，刺身上再灑上芝麻同蔥花增加味道嘅層次。
北海道海膽杯
北海道嘅海膽味道濃厚甘甜，回甘強，海膽膏的瓣塊較小，入口即溶。綿密細滑的口感，是令人傾心的美味。海膽下是日本白飯，甜甜的，卻不會搶走海膽味。
渡蟹
第一眼係被華麗嘅黑色長形中間渡金圓形碟吸引，然後再被碟上蛋糕一般多層次嘅渡蟹菜式迷到。白桃和蛋黃醋之下係一層又一層嘅蟹膏同蟹肉，甜酸之間夾雜著蟹膏嘅鹹味，可以話係整晚令我最難忘嘅一道菜色。
竹籤魚
竹籤魚肉質比較結實煙韌。竹籤魚連皮上，切法利落，再加上柚子皮，聞到柚子嘅清香，味覺同嗅覺都得到享受。
劍魚
廚師準備這道劍魚嘅時候，像是在為我們舉行一場表演，以樟木煙燻在玻璃器皿内嘅劍魚。我們能食出古典優雅又撲鼻嘅木薰味。劍魚上再放上魚子醬，顯得更高貴。
原隻紫海膽
原隻紫海膽係我期待嘅菜式之一。紫海膽味道清淡甘甜而帶有香氣，口感幼滑而略帶黏稠，每一口都好享受。廚師為我哋加上一點Wasabi 調味，既美觀又提升紫海膽鮮味。
紫蘇葉拖羅
以紫菜和紫蘇葉包住肥美嘅拖羅，紫蘇葉清新幽香。但最有驚喜嘅地方係拖羅上嘅自家製梅醬，甜甜嘅梅味，中和拖羅油脂油膩感，相輔相成。
鯖魚
鯖魚壽司用米糠去醃過， 再撒上炒過嘅芝麻，更加提升壽司嘅美味層次。鯖魚魚肉有咬口，令紫菜顯得特別爽脆。
當廚師宣布所有菜式已經給我們品嚐過，當刻真係感到有點失落，就似係一個華麗派對嘅結束。幸好還有最後嘅清湯同甜品。
海鮮清湯
海鮮清湯材料十分豐富，加入蜆肉，蟹肉碎，還有龍躉魚肉。但不會太飽太膩，暖暖的飲落好舒服。
甜品
甜品也不失氣派，北海道夕張蜜瓜，清新香甜。配以Bailey慕斯蛋糕，香脆但結實嘅餅底。廚師將最後嘅甜味份量較得啱啱好，唔會太多，卻得以回味。
烘焙綠茶
最後最後的烘焙綠茶，也用上之前製作劍魚嘅同一技術，以樟木煙燻過茶葉。店員向我哋說明烘焙綠茶有幫助消化嘅作用。的確，比一般綠茶更幽香，像在為工作一整晚嘅腸胃稍作舒緩。
张贴
