Eggslut (已結業)

今次食咗三樣嘢1. Gaucho Sandwich頂級USDA三角脊扒三文治唔好淨係以為佢哋嘅蛋治出色，其實佢嘅呢個牛扒三文治仲好味，上高亦都有隻荷包蛋。以為呢個包油膩膩？唔係呀，一啲都唔油膩，而且仲好清新添。裏面有好多菜同埋油醋汁，成個感覺好似食緊牛扒沙律咁樣。三角脊扒即係Rumb Cap，係西冷上面有脂肪嘅肉，肉質軟嫩。2. Slut招牌蛋薯蓉加法包呢個招牌一定要叫。將半熟蛋撈埋牛油薯蓉呢個組合真係發揮到300%咁好食。鹹味完全嚟自烘脆嘅發包片上面嘅鹽同橄欖油。呢個組合完全將蛋香牛油香薯蓉香發揮到極致。就算唔食包都一定要食呢個小食。3. Cold Brew Coffee冷萃咖啡其實佢哋嘅冷水咖啡性價比非常之高。分分鐘好過好多咖啡店，最緊要佢埋$35咋。出面一杯Latte都賣40蚊，呢度仲要任你座㖭。經過就算係食嘢飲杯嘢都超值。