太平洋咖啡 (已結業)

以前要三十幾蚊的沙律，而加要賣到四十幾蚊。從表面看，當中唯一不同的就是多左隻半熟蛋與及佢既包裝上經過重新設計，靚左唔少。哪麼，呢十幾二十百份率的升幅，有沒有增加到沙律的美味程度呢？不如買番過試下，之後再講番比大家聽食唔食得過啦。唔記得講，我之前一直都有食開，不過價錢加得太多了，之後就一直沒叫。見到啲著仔比起以前份量好似少左，不過質素可以的，軟硬適中，帶一點點爽口。連皮一齊食，口感幾好，保持到水準。啲沙律菜都係新鮮既，大細合宜。但原來隻半熟蛋先係惡夢嘅開始，佢一啲蛋味都無，蛋白部分是韌的，口感極差，或許是雪得太久了。沒有蛋味，也沒有其他味道，我也在懷疑我在吃甚麼，真的是蛋嗎？蛋黃是流心的，但也是沒有味道，太可怖。仲有薯仔上煙肉粒份量少咗好多，只是碎碎的，嚴格來說不是煙肉粒因為實在太細碎了。之前果啲大粒好多，咁你睇到佢真係一條煙肉。總括而言，我係唔會再食佢嘅沙律。