影片
更多
2019-04-09
137 浏览
作為漢堡包ge 忠實fans，我好熱衷於尋找好味ge漢堡。最常幫襯連鎖美式餐廳，但朋友就成日笑我食漢堡包呢d劣食。今次難得去黃埔附近，緊係要拉埋朋友去食懷舊時新港式漢堡包！話俾佢知唔可以睇少我最愛ge漢堡。時新仲係舊鋪果陣都食過幾次，但轉新鋪後都係第一次幫襯。位置好近黃埔港鐵出口，行一陣就到，好方便。晚上8點左右去到，接近滿座，我地坐左最後一張枱，估唔到竟然有梳化位。揀完野食可以去收銀處order, 再等號碼。我同朋友都嗌左雙層漢堡包配蛋，真心係必嗌，次次黎都會食一個先滿足！雙層漢堡包配蛋（$32）我真係好鍾意個時新醬！兩層手打牛肉唔會乾爭爭，配埋隻蛋真係畫龍點睛！不過如果大家唔鐘意食蛋，都可以加火腿或者芝士。仲可以加多一層，不過我要留肚食小食，都係唔加咗多，廢事嚇親人。難得黎到，唔係唔嗌炸雞脾下話！炸雞脾（$27）真係好耐冇食炸脾，因為坊間好多炸脾都唔係生炸，總係覺得差少少。但時新炸脾係真正生炸脾，要d時間炸，等左一陣終於出場！真係熱辣辣D皮脆卜卜嫁！真係愈邪惡就食得愈感動。炸脾一定要食呀！我同朋友share食1隻，都已經好滿足！另外，我地都叫左個黃金脆雞粒。黃金脆雞粒（$15）炸雞
今次難得去黃埔附近，緊係要拉埋朋友去食懷舊時新港式漢堡包！話俾佢知唔可以睇少我最愛ge漢堡。
時新仲係舊鋪果陣都食過幾次，但轉新鋪後都係第一次幫襯。
位置好近黃埔港鐵出口，行一陣就到，好方便。
晚上8點左右去到，接近滿座，我地坐左最後一張枱，估唔到竟然有梳化位。
揀完野食可以去收銀處order, 再等號碼。
我同朋友都嗌左雙層漢堡包配蛋，真心係必嗌，次次黎都會食一個先滿足！
雙層漢堡包配蛋（$32）
我真係好鍾意個時新醬！兩層手打牛肉唔會乾爭爭，配埋隻蛋真係畫龍點睛！
不過如果大家唔鐘意食蛋，都可以加火腿或者芝士。仲可以加多一層，不過我要留肚食小食，都係唔加咗多，廢事嚇親人。
難得黎到，唔係唔嗌炸雞脾下話！
炸雞脾（$27）
真係好耐冇食炸脾，因為坊間好多炸脾都唔係生炸，總係覺得差少少。但時新炸脾係真正生炸脾，要d時間炸，等左一陣終於出場！真係熱辣辣D皮脆卜卜嫁！真係愈邪惡就食得愈感動。炸脾一定要食呀！我同朋友share食1隻，都已經好滿足！
另外，我地都叫左個黃金脆雞粒。
黃金脆雞粒（$15）
炸雞粒15蚊好抵呀！可以揀配咩醬，姨姨推薦沙律醬。望落一粒粒，外脆內嫩！有d似連鎖美式快餐ge麥x雞，值得一試。
我為左影相先斯斯文文咬一啖仔，之後我都係成粒放入口，好正。
最後我地叫左紅豆冰。雖然價錢唔平，但真係要叫返杯配合下個懷舊feel!!!!!
紅豆冰（$23）
不過枝飲管係幼管，吸唔到紅豆，我唔知係咪咁先係正宗食法係用匙食紅豆。
最後食到好飽，滿足曬！！
张贴
