上村牧場 (已結業)

上村牧場一大特色，就係貫穿餐廳各枱既特急列車送餐服務。視覺新鮮感同衛生考慮優點之外，餐廳人手更多照顧到客人用餐體驗，會經常換燒烤網，唔怕堆積空碟冇人理，環境令人滿意食得好舒服😋由點餐至送到手速度快冇拖延，一方面保證鮮度，亦肯定喜歡的菜式能夠「食到飽」！食物質素方面唔會因此而犧牲，可以選擇不同級數燒肉，當中薩摩和牛當然最考驗到餐廳供應品質，最令我印象深刻係薩摩牛的「內裙肉」部位，餐牌介紹呢個部位接近橫膈膜，如果平時自己去一間超市買和牛應該未必搵到標示的這個部位🤣算係幾唔常見。內裙肉結合脂肪、筋膜和肌肉纖維，除咗陣陣牛油香之外仲特別脆口，相對要一點時間咀嚼，亦因此每一口都如此令人印象深刻。另外款式如壽司、牛油帶子等小食和日式甜品都係心機之作，毫不遜色於主打的燒肉品質，胃口、時間都有限之下就是比較難取捨，食到停唔到🤣👍🏻