拿督星馬大飯店 (已結業)

對於唔係觀塘返工既我黎講，想食拿督既手勢都小點難，幸好有機會黎開尼頭，又係閒日午飯時間，唔係唔食呀嘛。第一次到訪，舖頭既人流同其他“鄰居”相比，真係蚊同牛比，唔使問人，跟著d人上黎實無錯。好彩未到1點就入到黎，叫左香茅豬扒喇沙河粉(個人認為米粉同河粉會索汁d)配熱薑汁拉茶。薑汁拉茶飲落微微南薑味，茶底唔及港版茶底濃，淡淡地口感都可以。香茅豬扒喇沙河粉，豬扒食落內軟滑外香口，仲痴著小小香茅等香料碎，足料醃製，衰在被浸係粉上湯底飲落好沉實既蝦乾等味，唔似外面加好多調味料咁惹味，配上小許芽菜，豆角，豆卜同魚片，不錯P.s.匙羹筷子有陣陣漂白水味，影響左整體味道