大戶屋 (已結業)

約朋友食晏，揀咗大戶屋…點半去到，人不多，但陸陸續續都有人黎。雖然有一個朋友要遲少少到，但我地太肚餓，所以無等佢就叫晒嘢食。四個人點左四樣嘢share食。蔬菜蝦窩飯、滑蛋豬扒飯、什錦串燒飯同吉列雞扒配手打蕎麥麵…蔬菜蝦窩飯好特別，就好似西式嘅risotto, 用鍋盛住，底部係飯，上面有蔬菜同蝦同汁，完全遮蓋d飯。撈勻之後就好似燴飯，濕濕地，飯粒軟糯，很好吃！滑蛋豬扒飯，雖然普通但都做得好好食。滑蛋包住吉列豬扒，豬扒都幾好，唔會太鞋。什錦串燒飯，有燒雞串同其他唔知咩串燒。賣相好靚，四串燒物放在飯上。燒物燒得不錯，雞肉串嘅雞肉唔會乾，好juicy~不過醬汁唔夠，好似齋食白飯。吉列雞扒配手打蕎麥麵吉列雞扒連皮炸，不過又唔會好多油好肥膩喎，又炸得香脆。雞肉仍然嫩滑。手打蕎麥麵，不得不讚！真係好得好好味！蕎麥麵手打真係唔同d, 好煙韌，有咬口，同其他餐廳真係好唔同。環境不錯，人唔多，又唔會趕客走，又靜，適合傾偈。