影片
更多
2020-09-08
95 浏览
今日由屋企康城踩單車出去將軍澳食午飯，最後揀左位於Savannah 樓下既蕃茄18，附近有大把空位泊單車，非常方便。天花掛上一系列八九十年代既招牌，加上紅白相間的馬賽克鋪就既地板，餐廳既裝潢充滿香港濃厚懷舊氣息。女友揀左麻辣番茄湯，番茄湯底比較稠，充滿啖啖茄肉，飲完後麻辣味先慢慢走出嚟。米粉吸湯一流，炒蛋好綿滑。至於吉列魚柳扒好大塊兼脆口。我都叫左同一個餐，不過米粉轉左通粉，吉列魚柳扒轉左芝士火腿奄列配牛油厚多士。湯底一樣啖啖茄肉，通粉煮得恰到好處，軟而不粉。奄列同厚多士幾大份，味道豐富，其實芝士味最突出。餐廳大約有九款特飲，我叫左紅豆奶茶，紅豆同奶茶嘅配搭充滿新鮮感，紅豆奶茶比例1:1，奶茶唔太甜茶味幾香醇，所以唔會蓋過紅豆既香甜。其實蕃茄18主打米線，下次再踩單車過嚟試吓米線先！
天花掛上一系列八九十年代既招牌，加上紅白相間的馬賽克鋪就既地板，餐廳既裝潢充滿香港濃厚懷舊氣息。
女友揀左麻辣番茄湯，番茄湯底比較稠，充滿啖啖茄肉，飲完後麻辣味先慢慢走出嚟。米粉吸湯一流，炒蛋好綿滑。至於吉列魚柳扒好大塊兼脆口。
我都叫左同一個餐，不過米粉轉左通粉，吉列魚柳扒轉左芝士火腿奄列配牛油厚多士。湯底一樣啖啖茄肉，通粉煮得恰到好處，軟而不粉。奄列同厚多士幾大份，味道豐富，其實芝士味最突出。
餐廳大約有九款特飲，我叫左紅豆奶茶，紅豆同奶茶嘅配搭充滿新鮮感，紅豆奶茶比例1:1，奶茶唔太甜茶味幾香醇，所以唔會蓋過紅豆既香甜。
其實蕃茄18主打米線，下次再踩單車過嚟試吓米線先！
张贴
