番茄師兄

营业中

休息中

番茄師兄係最早表態嘅黃店之一，根正苗黃，深受同路人愛戴，日日長龍，甚至能於疫市下開分店。當然，佢嘅食物質素有保證，亦都係人氣 keep 住高企嘅主要原因。上次幫襯我叫咗個 “滑一滑番茄濃湯麵”，入面有蕃茄，炒蛋同埋鮮牛肉，另外我再加多份粟米粒。麵底有五個選擇，分別係烏冬，通粉，米線，日式拉麵同上海麵，我就揀咗拉麵。成碗麵最出色嘅一定係個湯底，蕃茄味既鮮甜且濃郁，超正👍；另外就係鮮牛肉片，肉質軟滑，牛味亦夠；配埋甜甜嘅粟米粒，炒得好香又大大份嘅滑蛋，麵質彈牙而掛湯度不俗嘅拉麵，成碗麵嘅質素係好高嘅。