蕃茄仔

营业中

休息中

呢間餐廳主打好濃郁嘅蕃茄湯底，作為一個蕃茄湯愛好者，佢係我心目中top1嘅蕃茄湯底。我之前都食過幾次，就算星六日下午去九龍灣分店到食，唔洗排隊都入到去食。炭燒風味雞扒好多時候去其他餐廳叫蕃茄湯底，個湯都係稀，同埋食到個湯係用啲好假蕃茄味嘅茄膏溝出黎，但係蕃茄仔嘅湯底係極度杰身，感覺好似食緊蕃茄沾麵咁，入口每一啖都可以食到新鮮嘅茄蓉，之前睇過新假期嘅報導，蕃茄仔嘅湯底係用新鮮蕃茄加豬骨等湯料經過多小時熬製加攪碎而成，所以鮮味十足！我每一次食嘅麵底都只係會簡刀削麵，刀削麵口感煙靭，極度掛汁，唔洗用匙羹邊舀湯邊食麵都得。雞扒外皮煎到好脆，但係肉質嫩滑同好juicy，完全唔比蕃茄湯底遜色。