蕃滿門 (已結業)

九展food court有呢間「蕃滿門」，專門食蕃茄湯底嘅粉麵，今日試左呢度嘅原味湯底，酸甜味道平衡，有粒粒番茄🍅而且唔會好結身。螺絲粉配鴛鴦雞扒（$65）雞扒一件炸一件煎，炸嘅夠脆身，跟左泰式酸辣醬😻。螺絲粉份量都幾多。芝士野菌焗西蘭花（$42）好多蘑菇😽，拉絲芝士同濃味芝士比例幾好，西蘭花🥦就可以再切細少少容易啲食😹。七味炸花枝丸（$18）粒粒彈牙，點啲雞扒嘅酸辣醬更正👍🏻。甘草金羅漢果茶（+$5）功效有潤肺止咳、排毒養顏，用獨立樽裝，味道唔會好甜。呢度係自取形式，餐具同食物都係自助架。免加一。